CAD лаборатори нь 2004 онд байгуулагдсан бөгөөд орчин үеийн Stm32 микроконтроллер болон Basys-3 FPGA хавтан, All-in-one компьютер зэрэг орчин үеийн тоног төхөөрөмжөөр тоноглогдсон.

Электроникийн лаборатори нь МУИС-ийн хөгжлийн сангийн хөрөнгөөр 1998 онд байгуулагдсан. 2014 онд "Азийн хөгжлийн банк"-ны хөрөнгө оруулалтаар шинэчлэгдсэн.

Тус лаборатори нь суурин компьютер 10ш, Тоон осцилоскоп 10ш, Генератор 10ш, Тэжээлийн үүсгүүр 10ш, шугаман хэлхээний хавтангаар тоноглогдсон, нэгэн зэрэг 20 оюутан суралцах боломжтой.

2016 онд TIKA (Turkish Cooperation and Coordination Agency)-ийн хөрөнгө оруулалтаар шинэчлэгдсэн. Инженерийн цахилгаан соронзон, цахилгаан хэлхээ хичээлүүдийг орох боломжтойгоор тохижуулагдсан.

Тус лаборатори нь PASCO-ийн 15 лабораторийн ажлуудаар тоноглогдсон.

Инженерийн урлангийн лаборатори нь инженерчлэлийн суурь мэдлэг, практик чадварыг эзэмшүүлэх зорилготой лаборатори юм. Тус лаборатори нь оюутнуудын инженер сэтгэлгээ, бүтээлч хандлага болон багаар ажиллах чадварыг хөгжүүлэх орчин нөхцөлөөр хангагдсан байдаг.

Лабораторид 3D принтер, гагнуурын алх зэрэг инженерийн туршилт, дадлагад ашиглах тоног төхөөрөмжүүд бий. Мөн 12 ширхэг all-in-one компьютер, 8 ширхэг суурин компьютертой бөгөөд 20 оюутны багтаамжтай.

Arduino микроконтроллёр дээр суурилсан саад тойрох зориулалттай 15 роботтой бөгөөд эдгээрийг ашиглан оюутнууд техник, программчлалын анхан шатны мэдлэгээ практикт хэрэгжүүлдэг.

МУИС-ийн 80 жилийн ойг тохиолдуулан 2022 оны 10 сард Вертексмон компани Мэдээллийн аюулгүй байдлын лабораторийг бүрэн тохижуулж, 60 гаруй сая төгрөгийн өртөг бүхий лабораторийн тоног төхөөрөмж, сургалтын лицензийн хамтаар хүлээлгэн өгсөн лаборатори юм.

МУИС-ийн санхүүжилт болон компьютерын сүлжээ хөтөлбөрийн үе үеийн төгсөгчдийн хандиваар сургалтад зориулан ашиглах All-in-One компьютер, Cisco, Mikrotik, Dell гэх мэт үйлдвэрлэгчдийн чиглүүлэгч, свитч, галт хана болон утасгүй сүлжээний төхөөрөмжүүдтэй лаборатори юм.

Холбооны технологийн лаборатори нь 2008 онд байгуулагдсан бөгөөд байгуулагдсан цагаас хойш сургалт, судалгааны үйл ажиллагааг тасралтгүй явуулж байна. Одоогоор тус лаборатори нь сүүлийн үед ашиглагддаг USRP N210, B210 Software Defined Radio (SDR), Emona TIMS сургалтын төхөөрөмж, GWINSTEK MDO-2102 осциллограф болон AFG-2102 функцийн генератор зэрэг техник хэрэгсэлтэйгээр сургалт болон судалгааны үйл ажиллагааг явуулж байна.

2025 оны 09-р сарын 09-нд Ай Ти Зон ХХК, Fortinet компаниуд хамтын ажиллагааны 10 жилийнхээ ойн хүрээнд "Кибер аюулгүй байдал, сүлжээний лаборатори"-ийг хамтран байгуулсан.

"Кибер аюулгүй байдал, сүлжээний лаборатори" нь Dell-ийн иж бүрэн компьютер, Fortinet-ийн шинэ шийдэл бүхий кибер аюулгүй байдлын төхөөрөмжүүдээр тоноглогдсон тул суралцагчдыг бодит орчинд ажиллах ур чадварт сургахад дөхөм болж буйгаараа онцлогтой лаборатори юм.

Дүрс боловсруулалт, симуляцын лаборатори нь Siemens PLC, эмбеддэд хавтан болон сенсорууд, Dell-ийн иж бүрэн компьютероор тоноглогдсон.

Энэхүү лабораторийг 2020 онд Европын холбооноос хэрэгжүүлдэг Erasmus программын хүрээнд EU-MON төслөөс санхүүжүүлж байгуулсан. 2024 онд дахин шинэчлэлт хийгдсэн ба CPU: i9-12900K (24 CPU) ~3.2GHz, 96GB, 2TB SSD админ компьютер болон Zero Client Terminal компьютертой. Сургалтын хавтан (NI Elvis II) болон түүний модулиуд, тоон осциллоскоп, генератор зэрэг тоног төхөөрөмжтэй.