Хиймэл оюун

Хөтөлбөр: Хиймэл оюун (Artificial Intelligence)

Индекс: D 061902

Хөтөлбөрийн зорилго

Суралцах хугацаа: 4 жил

 Цуглуулах багц цаг: 127

Хөтөлбөрийн боловсролын зорилго

Мэргэжил: Хиймэл оюун

Дээрх зорилгуудыг дараах байдлаар илэрхийлж болно. Үүнд:

• Мэргэжлийн суурь мэдлэг: Тооцоолол, компьютерын ухаан, математик, хиймэл оюуны ойлголт, онол, зарчмуудын гүнзгий мэдлэгийг бүтээлч, шинэлэг байдлаар ашиглах.
• Танин мэдэхүйн ур чадвар: Бодит асуудлыг танин мэдэх, шийдвэрлэх, шинжилгээ хийх, үр дүнтэй шийдэл боловсруулах.
• Техникийн ур чадвар: Машин сургалт болон гүн сургалтын загвар зохиомжлох, сургах үнэлэх, оюун ухаант систем хөгжүүлэх, засварлах.
• Хувь хүний болон нийтлэг ур чадвар: Багаар ажиллахад идэвхтэй оролцох, удирдах, үр дүнтэй харилцах, тасралтгүй суралцах, энтерпренер чадвартай байх.
• Мэргэжлийн ёс зүй ба хариуцлага: Мэргэжлийн ёс зүйг сахиж, нийгмийн хариуцлагатай ажиллах.

Эдгээр зорилго нь төгсөгчдийг мэргэжлийн түвшний хиймэл оюуны мэргэжилтэн болгон бэлтгэхэд чиглэгддэг.

Хөтөлбөрийн олгох зэрэг: Хиймэл оюуны бакалавр

Хөтөлбөрийн суралцахуйн үр дүн

Хөтөлбөр хэрэгжиж эхлэсэн он: 2025

Магадлан итгэмжлэгдсэн он: 2025

Бид хөтөлбөрийн сургалтын үр дүнг хичээл тус бүр дээр тусгаж байгаа эсэхийг шалгаж, хөтөлбөрөө сайжруулахыг зорьж ажилладаг. Хөтөлбөрийн үр дүнг хичээл бүр дээр тусгаж байгааг харуулахдаа доорх 3 түвшинд хувааж авч үздэг. Үүнд: А.Зааж, ойлгуулах; Б.Хэрэглэх, хэрэгжүүлэх; В.Үнэлэх, дүгнэх

ХБЗ1 Мэргэжлийн суурь мэдлэг

• Хиймэл оюуны ойлголт, онол, зарчим, машин сургалт, гүн сургалт болон нейроны сүлжээг ойлгодог байх
• Компьютерын ухаан, математик, статистикийн мэдлэг болон магадлалын техникүүдийг хиймэл оюуны загвар хөгжүүлэх болон шинжилгээ хийхэд ашигладаг байх

ХБЗ2 Танин мэдэхүйн ур чадвар

• Шүүмжлэлт сэтгэлгээ, инновацлаг хандлагаар бодит асуудлыг хөндсөн шийдлийг хөгжүүлдэг байх
• Өгөгдлөлд суурилсан техникүүдийг ашиглан мэдээллийг гаргаж авах, хиймэл оюуны систем, мэдээлэлд суурилсан шийдвэр гаргадаг байх

ХБЗ3. Техникийн ур чадвар

• Программчлалын хэл, машин болон гүн сургалтын загвар хөгжүүлэх, сургах нийтлэг фрэймворкуудыг ашиглан хиймэл оюуны шийдлүүдийг хэрэгжүүлдэг байх
• Чиглүүлэгтэй, чиглүүлэггүй, машин сургалтын загварыг зохиомжлох, сургах, үнэлдэг байх
• Эх хэл боловсруулалт, яриа танилт, дүрс боловсруулалт, хиймэл оюунд суурилсан эмбеддэд систем зэрэг биеэ даасан системийн аппликейшн хөгжүүлдэг байх

ХБЗ4. Хувь хүний болон нийтлэг ур чадвар

• Хиймэл оюуны системүүдийг зохиомжлох болон хөгжүүлэхийн тулд олон төрлийн оролцогчтой багт үр дүнтэй ажилладаг байх
• Хиймэл оюуны ойлголт, судалгааны үр дүн, техникийн шийдлийг техникийн болон техникийн бус сонсогчдод ойлгуулдаг, тайлбарладаг, харилцдаг байх
• Хиймэл оюуны сүүлийн үеийн дэвшил, салбарын чиг хандлагын талаар байнга мэдээлэл авахын тулд тасралтгүй суралцдаг байх
• Хиймэл оюуны мэдлэгийг инноваци, старт-ап, бизнесийн стратегид ашигладаг байх

ХБЗ5. Мэргэжлийн ёс зүй ба хариуцлага

• Мэргэжлийн ёс зүй, хариуцлага, хиймэл оюуны хэм хэмжээ зэрэгт ёс зүйн зарчмуудыг хэрэглэх болон мөрдөх