Бакалаврын сургалт

МТЭС-ийн сургууль гурван тэнхимд бакалаврын 14 хөтөлбөр, магистрын 12 хөтөлбөрт, докторын 5 хөтөлбөрөөр сургалт явуулж байна.

     Бакалаврын сургалтын хөтөлбөр дараах бүтэцтэй:

• Ерөнхий суурь: Дээд боловсрол олгоход зайлшгүй шаардлагатай мэдлэг, ур чадвар эзэмшүүлэх зорилготой заавал болон сонгон судлах хичээлүүд.
• Мэргэжлийн суурийн хичээл: Хөтөлбөрийн суурь мэдлэг, ур чадварыг эзэмшүүлэх зорилготой заавал судлах хичээл.
• Мэргэших хичээл: Тухайн хөтөлбөрийн мэдлэг, ур чадвар, хандлагыг олгох хичээлүүд.
      1. Заавал судлах хичээл
      2. Сонгон судлах хичээл
• Чөлөөт сонгон: Хавсарга болон хос хөтөлбөрөөр суралцах, магистрын хөтөлбөрийн зарим хичээлийг судлах, өөр хөтөлбөрийн суурь мэдлэг олж авах, өөрийн хөтөлбөрт тусгасан мэргэших хичээлээс нэмэлтээр судлахад зориулагдсан хичээлүүд. Тухайн хичээл залгамж холбоотой бол өмнөх хичээлийг заавал үзнэ.

Хичээл болгоны ард байгаа улирал нь тухайн хичээлийг хэзээ үзэхэд тохиромжтойг нь заадаг. Хувийн төлөвлөгөө зохиохдоо тухайн хичээлийн ард байгаа улиралд үзнэ гэж зохиовол хамгийн хурднаар хамгийн ажилтай сурна. Элсэж орсон жилийн намраас 1-р улирал гэж тоолдог. Улирал тэгш бол хавар, улирал сондгой бол намар ордог хичээл гэж ойлгож болно.
Хичээл бүрийн төлөвлөгөө, үнэлгээ, сурах бичиг, тухайн хичээлээр юу үзэх талаар дэлгэрэнгүйг СИСИ-ээс үзнэ. 

Хувийн төлөвлөгөө зохиохдоо дараах хүснэгтэд байгаа жишиг төлөвлөгөөг үзээд түүний дагуу зохиохыг санал болгож байна. 

Давхар зэргийн хөтөлбөр

Манай сургууль Италийн Трэнтогийн их сургуулийн Мэдээллийн инженерчлэл, компьютерийн ухааны сургуультай хамтарсан 3+1 давхар зэргийн бакалаврын Компьютерийн ухаан, Электроникийн инженерчлэл хөтөлбөр хэрэгжүүлдэг. Эдгээр хөтөлбөрт хамрагдсанаар МУИС болон Трэнтогийн их сургуулийн хос дипломтой, давхар зэрэгтэй төгсөх боломжтой. Хөтөлбөрүүдийн хэрэгжилтийн талаарх дэлгэрэнгүй мэдээлэлтэй танилцаарай.